ՈՂՋԱՄԻՏ ԺԱՄԿԵՏՆԵՐԻ ՔՆՆՈՒԹՅՈՒՆ

       ՀՐԱՊԱՐԱԿԱՅՆՈՒԹՅՈՒՆ

     ՕՐԵՆՔԻ ԱՌՋև ՀԱՎԱՍԱՐՈՒԹՅՈՒՆ

 ԱԶԱՏՈՒԹՅՈՒՆ ԵՎ ԱՆՁՆԱԿԱՆ ԱՆՁԵՌՆՄԽԵԼԻՈՒԹՅՈՒՆ

                    Առավել հաճախ արձանագրված դատավարական խնդիրները

.  Դիտարկված դատական նիստերը հիմնականում բացվել են ուշացումով, որի պատճառ, մեծամասամբ, հանդիսացել է դատական նիստերը նախագահող դատավորների ծանրաբեռնվածությունը

.  Դատական գործերը հիմնականում անհարկի ձգձգվում են դատական նիստերի կարճ տևողությամբ, կողմերի ներկայության ապահովման ուղղությամբ միջոցներ ձեռք չառնելու կամ դատական նիստերը, նույնիսկ խոշտանգման կամ երեխայի խնամքի գործերով, ուշ հերթի նշանակելու հանգամանքներով պայմանավորված, ինչի արդյունքում անձիք շարունակում են զրկված մնալ իրենց իրավունքներից և  ազատություններից

. ՄԻՄՀ/ISHR / դիտորդները գրեթե միշտ կամ չեն ներկայացվել դատարաններին, կամ նիստերը նախագահող դատավորները տեղեկացել են և, դատավարական կարգի խախտմամբ, դատական նիստերի ընթացքում չեն անդրադարձել դիտորդներին պատշաճ ներկայացնելու հարցին, իսկ որոշ դեպքերում էլ նիստերը նախագահող դատավորները դիտորդներին հարկ չեն համարել ներկայացնել՝ պատճառաբանելով, որ դատական նիստերը դռնբաց են, ինչի պատճառով դիտորդները հնարավորություն չեն ունեցել լուսանակարահանում իրականացնել: Արձանագրվել են նաև դեպքեր, երբ դատական նիստերի քարտուղարը դատական նիստը նախագահող դատավորի ներկայությամբ կողմի ներկայացուցչին կողմնորոշել է առարկել դիտորդի կողմից լուսանկարահանում իրականացնելու դեմ: Հետաքրքիր է նաև որոշ դատավորների վերաբերմունքն այն իմաստով, որ չեն թույլատրում իրենց լուսանկարահանել:

.  Դատաիրավական փոփոխությունների արդյունքում դեռևս 2018 թվականին ԲԴԽ որոշմամբ սահմանվել են ՀՀ առաջին ատյանի դատարանների նստավայրերի սպասարկման տարածքները: Որոշման կիրարկման գործընթացը չի կազմակերպվել անհրաժեշտ կերպով, ինչով տեղեկատվության ամբողջական հասանելիություն կապահովվեր հասարակության համար: Մասնավորապես, DataLex դատական տեղեկատվական համակարգում բացակայում են տեղեկություններ, դատարանների, օրինակ, քրեական և քաղաքացիական գործերով դատական նիստերի կայացման իրավասու նստավայրերի  վերաբերյալ: Բացի այդ, համակարգը կծկտուր տեղեկատվություն է պարունակում գործերի վերաբերյալ, օրինակ՝  մի քանի ամբաստանյալի ներգրավվածությամբ գործում տեղադրված է միայն մեկ ամբաստանյալի վերաբերյալ մեղադրական եզրակացությունը, կամ տեղադրված չեն դատարանի որոշումները (գործ՝ թիվ ԵԴ/1383/01/20)

. Դատարանը, վկային առաջինը հարցաքննելով, խախտել է հարցաքննության քրեադատավարական կարգը (գործ՝ թիվ ՍԴ1/0014/01/22)

.Դատարանը թույլատրել է գործով դատախազի բացակայության դեպքում այլ դատախազի կողմից մեղադրանքի պաշտպանություն՝ առանց լիազորագրի (գործ՝ թիվ ՇԴ/0134/01/21 )

.Դատարանները որոշ դեպքերում անհրաժեշտ միջոցներ ձեռք չեն առնում կալանավորված անձանց ներկայությունը դատական նիստին երաշխավորելու ուղղությամբ  (գործ՝ թիվ  ԵԴ/1383/01/20)

.Դատական նիստերի դահլիճի դատավարական հատվածն այցելուների հատվածից զրահապատ ապակե միջնորմով բաժանված լինելու պատճառով հանրային հնչեղության գործով դատաքննության  լսելիության խնդիրը չի վերացվում  (գործ՝ թիվ ԵԴ/0253/01/19)

Ծրագրի շրջանակում դատական մշտադիտարկումները շարունակվում են, որոնց արդյունքներն ամփոփվելու են ծրագրի ավարտին հրապարակվող զեկույցում:

Սիրակ Եղիազարյան

 Ծրագրի փորձագետ համակարգող